Теренс Кроуфорд ММАга ўтиш таклифига кескин жавоб қайтарди

"Йўқ-йўқ. У ерда пул етарли эмас. Оғайни, сени оддий курашнинг ўзидаёқ синдириб қўйишлари мумкин. Бу ерда эса нафақат кураш, балки оёқ зарбалари, бокс, тирсаклар ҳам бор — йўқ, раҳмат, буни ўзингизга қолдиринг", — деди Кроуфорд Ready to Fight порталига.

Теренснинг профессионал рекорди 42 ғалаба, шундан 31 таси нокаут билан якунланган, бирорта ҳам мағлубият ва дуранг йўқ. У 2008 йилдан 2025 йилгача проф рингда ўз жангларини ўтказган. Кроуфорд икки вазнда тўртта асосий чемпионлик камарларини қўлга киритган ва профессионал бокс тарихида учта вазн тоифасида мутлақ жаҳон чемпиони бўлган биринчи боксчи ҳисобланади.