27 окт 10:06
Янгиликлар
Гимнастика
Термизда ёш гимнастикачилар беллашди
Сурхондарё вилоятида “Мактабгача ва мактаб таълими вазири кубоги” учун бадиий гимнастика бўйича вилоят босқичи мусобақаси бўлиб ўтди.
Мусобақа Президентимиз Шавкат Мирзиёевнинг 2022 йил 23 декабрдаги “Гимнастика спорт турларини янада ривожлантириш чора-тадбирлари тўғрисида”ги қарори ижроси доирасида ташкил этилди.
Беллашувларда туман ва шаҳар босқичларида сараланган 1-4-синф ўқувчи-қизлар жамоалари гуруҳ машқлари ва шахсий дастурда маҳорат намойиш этди.
Якуний натижаларга кўра, Термиз шаҳри 9-мактаб жамоаси мусобақа ғолиби бўлди. Иккинчи ва учинчи ўринлар Олтинсой тумани 13-АФЧЎМ жамоаси ва Қумқўрғон тумани 4-мактаб гимнастикачи қизларига насиб этди.
Ғолиб ва совриндор жамоалар мактабгача ва мактаб таълими бошқармаси томонидан муносиб тақдирланди.
Ҳавола :
Манба : uza.uz
Фикрлар