19 мар 08:10
Янгиликлар
Бокс/ММА
Тезкор. Бектемир Мелиқўзиевнинг навбатдаги жанги санаси маълум бўлди. Ҳамюртимиз Райан Гарсия - Девин Хейни кардида рингга чиқади!
Ўзбекистонлик профессионал боксчи Бектемир Мелиқўзиевнинг навбатдаги жанги тафсилотлари маълум бўлди.
Ҳамюртимиз проф фаолиятидаги ўн бешинчи жангини 20 апрель куни Лас-Вегасда (АҚШ) ўтказади. Бу ҳақда унинг менежери Вадим Корнилов хабар берди. Мелиқўзиевга ўша куни ким рақиблик қилиши ҳозирча номаълум.
Boxer TV нашрининг маълум қилишича, Бектемир марказий жанги Райан Гарсия ва Девин Хейни ўртасидаги кечадиган оқшом кардида рингга чиқади.
Маълумот учун, айни дамда АҚШда машғулотларни давом эттираётган Мелиқзўиев ўз вазн тоифасида WBA Intercontinental ва WBO Intercontinental камарлари соҳиби ҳисобланади.
Боксчимиз ўзининг сўнгги жангини 2023 йил октябрь ойида Алантес Фоксга қарши ўтказиб, тўртинчи раундда техник нокаут орқали ғалабага эришган эди. Унинг ҳисобида жами 13 та ғалаба ва 1 та мағлубият бор.
Ҳавола :
Манба : olamsport.com
Фикрлар