The Guardian нашри Ламин Ямаль, Пау Кубарси ва ўзбекистонлик футболчини битта рўйхатга киритди

Улар орасида Ламин Ямаль ("Барселона"), Пау Кубарси ("Барселона"), Марк Бернал ("Барселона"), Жоан Мартинез ("Реал Мадрид"), Шейн Клюйверт ("Барселона"), Талал Ҳожи ("Ал Иттиҳод") Альфонсо Монтеро ("Ювентус") каби футболчилар бор.

Эътиборлиси, ушбу рўйхатдан Ўзбекистон U-20 терма жамоаси ва "Бунёдкор" клуби футболчиси Азизбек Тўлқинбеков ҳам ўрин олган.

"Бугунги кунда Ўзбекистонда ёш футболчининг ажралиб туриши осон иш эмас, сабаби бу мамлакат иқтидорларни ривожлантириш борасида обрў қозонмоқда. Тўлқинбеков эса ўтган йил U-17 Жаҳон чемпионатида тўлиқ ўйнаган. Ўзбекистон ўсмирлар терма жамоаси мундиал нимчорак финалида Англия тўсиғидан ўтиб, чорак финалда Францияга кичик ҳисобда ютқазишганди. Ҳозирга келиб Азизбек Ўзбекистон U-20 терма жамоасига ўтди ва "Бунёдкор" клуби таркибида Суперлигада мунтазам ўйнаб келмоқда. У тўпга эгалик қилишда хотиржам ва ўйинни яхши ўқий олади. Ҳимояда ишончли ўйнайди, аммо ярим ҳимояда ҳам ўзини эркин ҳис қилади", - деб ёзади The Guardian нашри.

"The Guardian" талқини бўйича 2007 йилда туғилганлар орасида энг истеъдодли 60 футболчи

Маълумот учун, 2019 йилда The Guardian нашри ўзбекистонлик Жасур Жалолиддинов ҳам мана шундай рўйхатга қўшган эди.