29 окт 16:57
Янгиликлар
Теннис
Тимофеева Ченнайдаги учрашувни охиригача етказа олмади
Ўзбекистоннинг биринчи ракеткаси Мария Тимофеева Ҳиндистоннинг Ченнай шаҳрида теннис бўйича 275,094 доллар мукофот пулига эга турнирда иштирок этиши ҳақида хабар қилгандик.
Теннисчимиз бугун илк босқичда Таиланд вакиласи Ланлана Тарарудега қарши кортга чиқди.
Афсуски ҳисоб 2:6, 0:2 кўринишига келганида Тимофеева учрашувни охиригача етказа олмади. Бу вақтга келиб, теннисчилар кортда 1 соат 9 дақиқа вақт ўтказишганди.
Таққослаш учун, Мария Тимофеева айни пайтда WTA рейтингида 144, Тараруди эса 171-ўринни эгаллаб турибди.
Бу теннисчиларнинг ўзаро ўтказадиган иккинчи учрашуви бўлди. Шу йил июль ойида Португалиядаги турнирда Мария рақибасини 6/2, 6/2 ҳисобида мағлуб этган эди. Демак, ўзаро учрашувлардаги ҳисоб-китоб 1:1 кўринишига келди.
Ҳавола :
Манба : olamsport.com
Фикрлар