05 мар 05:22
Янгиликлар

Бокс/ММА

Тожикистонлик Лоик Ражабов UFC'даги дебют жангида ғалаба қозонди!

Лоик Ражабов UFC'даги дебют жангини ўтказди.

Америка Қўшма Штатларининг Лас-Вегас шаҳрида UFC 285 мусобақаси бўлиб ўтмоқда.

Мазкур мусобақанинг илк жанги тожикистонлик Лоик Ражабов ва аргентиналик Эстебан Рибович ўртасида кечди. 3 раундга мўлжалланган жанг тўлиқ давом этди ва унда тожикистонлик жангчи ҳакамларнинг якдил қарори билан ғалаба қозонди.

Қайд этиш жоиз, Лоик Ражабов айни дамда UFC'да жанг қилаётган иккинчи тожикистонлик спортчи ҳисобланади. Яна бир тожик — Нурулло Алиев ўтган ҳафтада мазкур промоушендаги дебютини ғалаба билан нишонлаган эди.