29 мар 17:17
Янгиликлар
Токио Олимпиадаси лицензиялари учун курашадиган аёллар терма жамоаси таркиби маълум
Уч кун давомида эркин, юнон-рум ва аёллар кураши вакиллари Олимпиада йўлланмалари учун гиламга чиқишади.
Бироз аввал эркин ва юнон-рум кураши бўйича Ўзбекистон терма жамоаларининг Қозоғистонга борадиган таркибни эълон қилгандик. Аёллар кураши терма жамоаси бош мураббийи Анатолий Ибрагимов ҳам Токио Олимпиадаси йўлланмалари учун курашадиган таркибни ошкор этди.
Маълумот учун, олимпия ўйинларига сўнгги лицензион турнир 6-9 май кунлари Болгария пойтахти София шаҳрида ўтказилади. Жаҳон лицензион турнирида барча қитъа курашчилари сўнгги имкониятдан фойдаланишади.
Ҳозирда эркин ва аёллар кураши терма жамоаларимизда лицензия йўқ. Улар 6 тадан вазн тоифасида жами 12 та йўлланма учун гиламга чиқишади. Икки йил аввал Нур-Султанда ўтган жаҳон чемпионатида классикларимиздан Элмурат Тасмурадов, Жалгасбай Бердимуратов ва Рустам Ассакалов Токио Олимпиадаси йўлланмасини қўлга киритишган эди.
Аёллар кураши терма жамоаси таркиби:
50 кг: Даулетбике Яхшимуратова
53 кг: Актенге Кеунимжаева
57 кг: Шоҳида Аҳмедова
62 кг: Набира Есенбаева
68 кг: Светлана Окназарова
76 кг: Шаҳрибону Эллиева
Бош мураббийи - Анатолий Ибрагимов
Фикрлар