Том Аспиналл Алекс Перейра билан жанг учун гонорарини кўтаришларини истайди

Агар Алекс Перейра оғир вазнда вақтинчалик UFC чемпионлик камари учун кечадиган жангда Сирил Ганни мағлуб этса, амалдаги дивизион чемпиони бразилиялик билан ўтказиладиган бирлаштирувчи жанг учун гонорарини сезиларли даражада оширишни талаб қилади.

Бу ҳақда яқиндан бери британиялик оғир вазнли жангчининг манфаатларини ҳимоя қилиб келаётган промоутер Эдди Хирн Pro Boxing Fans`га берган интервьюсида маълум қилди.

"Агар оғир вазн тоифасида жаҳон чемпиони унвони учун Том Аспиналлни Алекс Перейрага қарши жанг қилдирмоқчи бўлсангиз, унга ҳурмат кўрсатинг. Агар банкда юз миллион бўлса, менга бир миллион таклиф қилманг. У амалдаги чемпион. Бу кулгили. Нимадир қилишга тўғри келади. Ҳозир улар жуда ёмон аҳволда", - деди Хирн.

Оғир вазн тоифасида Алекс Перейра ва Сирил Ган ўртасидаги чемпионлик жанги 14 июнь куни Оқ уйдаги UFC турнирида бўлиб ўтади. Том Аспиналл эса яқинда берган интервьюсида ҳозирча тўлиқ машғулот жараёнини давом эттира олмаслигини, чунки кўз операциясидан кейин яна тўрт ой спарринглардан тийилишини айтди.