26 сен 12:34
Янгиликлар

Бокс/ММА

Том Аспиналл Делла Маддалена — Махачев жангига башорат берди

UFC’нинг оғир вазндаги амалдаги чемпиони Том Аспиналл австралиялик Жек Делла Маддалана ва россиялик Ислам Махачев жангига ўз муносабатини билдирди.

Ярим ўрта вазн (77 кг гача) тоифасида UFC чемпионлик камари учун кечадиган жанг 16 ноябрь куни АҚШнинг Нью-Йорк шаҳрида бўлиб ўтади.Британиялик 32 ёшли Аспиналл ким ютади - Жекми ёки Ислам? деган саволга жавоб берди.

— Мен Жекни танлайман. Лекин бу осон бўлмайди, - дея Аспиналлнинг сўзларини келтиради TNT Sports портали.

Маълумот учун, Ислам Махачев сўнгги жангини 18 январь куни ўтказганди. Ўшанда Лос-Анжелес (Калифорния штати, АҚШ) шаҳрида бўлиб ўтган UFC 311 турнирининг марказий жангида Ислам бразилиялик Ренато Мойканони биринчи раунддаёқ бўғиш усули билан мағлуб этган эди. Махачев учун бу енгил вазн тоифасида кетма-кет 14-ғалаба бўлганди.