Тони Фергюсон қачон жанг ўтказишини айтди

Актив машғулотларни бошлаш арафасида турган собиқ UFC жангчисининг қайтиши икки ойдан кейин амалга ошиши кутилмоқда. 

"Жуда кўп одамлар бу сўзни ишлатишдан чарчашмайди – истеъфо. Бу сўз менга ёқмайди. Ҳозир 41 ёшдаман ва ҳамон ёшларга рақобатни юзага келтира оламан. Кучга йўналтирилган машғулотларни бемалол бажаряпман. Тезлигим ҳам ёшимга нисбатан чакки эмас. Танам ва фикрлашим бир йўлда. Беш плюс баҳо қўяман. Шундай экан, мен жангларга қайтяпман. Машғулот лагерини бошлаяпман. 30 август куни бокс жангида рингга чиқаман. Ҳозирча рақибим ким бўлишини айта олмайман. Ишонинг, битта ғалаба фаолиятим ва ҳаётимни кескин ўзгартириб юборади", – деди Тони Red Corner MMA каналига берган интервьюсида. 

Хабарларга қараганда, "Эл-Кукуй"нинг 30 август кунги бокс жангидаги рақиби америкалик 31 ёшли Диллон Дэнис бўлади. Аслида уларнинг жанги GFL промоушенида ММА қоидалари асосида ўтказилиши керак эди.