13 мар 10:41
Янгиликлар

Бокс/ММА

Тони Фергюсоннинг рақиби маълум бўлди, жанг санаси ҳам

Енгил вазн тоифасида собиқ вақтинчалик UFC чемпиони Тони Фергюсоннинг навбатдаги жанги қачон ва кимга қарши ўтказилиши маълум бўлди.

Америкалик яккакураш устаси 15 май куни UFC 262 турнири доирасида Бенейл Дариушга қарши октагонга кўтарилди. Томонлан оғзаки келишувга эришишди. Тез орада расман жанг шартномасига имзо чекилади.

Бу Фергюсон учун кетма-кет икки мағлубиятдан кейинги илк жанг бўлади. У ўтган йилнинг май ойида Жастин Гэтжига техник нокаут, декабрда эса Чарльз Оливейрага очколар ҳисобига кўра имкониятни бой бериб қўйганди. Айни пайтда Тони рейтингнинг бешинчи поғонасидан жой олган.

Бенейл Дариуш асли келиб чиқиши эронлик бўлиб, жорий 2021 йилда жанг ўтказишга ҳам улгурди. У ўтган ойда Карлос Диего Феррейрадан устун келган эди. Бу Дариушнинг UFC`даги кетма-кет қозонилган олтинчи ғалабаси эди. Ҳозирда Бенейл енгил вазн рейтингининг 9-поғонасидан жой олган.