24 апр 11:27
Янгиликлар
Бокс/ММА
Тони Фергюсоннинг UFC'даги навбатдаги рақиби ва жанг санаси маълум! У Макгрегор - Чендлер оқшомида қайтиши мумкин
Америкалик аралаш яккакураш устаси Тони Фергюсоннинг навбатдаги жанги бўйича ОАВда маълумотлар пайдо бўлди.
Тонининг 29 июнь куни Лас-Вегас (АҚШ) шаҳридаги "T-Mobile Arena" мажмуасида ташкил этиладиган UFC 303 турнири доирасида октагонга чиқиши айтилмоқда. Фергюсонга ўша куни яна бир фахрий жангчи - Ник Диас рақиблик қилади. Жанг 5 раунд этиб белгиланади.
Эслатиб ўтамиз, Тони Фергюсон ўзининг сўнгги жангини 2023 йил декабрь ойида англиялик Пэдди Пимблеттга қарши ўтказиб, очколар ҳисобига кўра мағлуб бўлган. Бу жанг Тони ва Ник учун ўзаро иккинчи тўқнашув бўлади.
Маълумот учун, UFC 303 турнирининг марказий жанги икки вазнда собиқ UFC чемпиони Конор Макгрегор ҳамда Майкл Чендлер ўртасида кечади.
Ҳавола :
Манба : twitter.com/Sa_Gwang
Фикрлар