Top Rank вице-президенти: "Иноуэ - Накатани жанги жуда қизиқарли"

"Айнан шу жанг ҳозир бизнинг режамизда турибди. Накатани қандай кўринишга эга бўлмасин, бу барибир рақобатли жанг. Токио гумбазидаги аншлагда у ўз даражасини кўтариши керак бўлади - агар бу умуман мумкин бўлса ва у буни қилишга мажбур. Иноуэ эса, ишончим комилки, бор кучини ишга солади.

Сўнгги чиқишдан кейин ҳамма Иноуэ томонга оғиб кетади. Лекин у қачон сўнгги марта баланд бўйли чапақай билан муштлашди? Наоя бошқалардан кўра кўпроқ таваккал қилади. Жангга бўлган қизиқиш пасайиб кетди, деб бўлмайди. У ҳамон ўта қизиқарли", - деди Моретти.

Эслатиб ўтамиз, ўтган ҳафта "Самурайлар кечаси" доирасида Наоя Иноуэ Алан Пикассони таслим этган бўлса, Жюндо Накатани ҳакамларнинг баҳсли қарори билан бошқа бир мексикалик Себастян Эрнандесни мағлуб этганди.

Иноуэ ва Накатани ўртасидаги жанг 2026 йилнинг май ойида Япония пойтахтида бўлиб ўтиши кутилмоқда.