Топурия - Гэтжи жангини ким суғурта қилиши расман маълум бўлди. У тарозидан ҳам ўтди + ФОТО

Ярим енгил вазн тоифасида UFC чемпионлик камари учун собиқ даъвогар, Стив Гарсияга қарши жанг билан Оқ уйдаги байрам турнирининг кардини очиб берадиган Диего Лопес Илия Топурия ва Жастин Гэтжи ўртасидаги чемпионлик жанги бўлиб ўтадиган оқшомнинг асосий жангининг захира иштирокчиси деб эълон қилинди.

Ярим енгил вазн тоифаси меъёридан муваффақиятли ўтган бразилиялик жангчи вазн ўлчаш жараёни якунида яна саҳнага қайтиб, иккинчи марта, энди спорт формаси ва шляпада, тарозида 69.85 кг натижа кўрсатганидан сўнг, ташкилот вакиллари бу ҳақда расман хабар беришди. Лопес тарози маросимига икки мартта ва икки хил кўринишда чиққан.

Шу тариқа, Диего Лопес Илия Топурия ва Жастин Гэтжи енгил вазнда амалдаги ва вақтинчалик UFC камарларини бирлаштириши керак бўлган байрам тадбирининг асосий жангини сўнгги дақиқагача суғурта қилади. Назарий жиҳатдан, бразилиялик спортчи Америка мустақиллигининг 250 йиллигига бағишланган шоуни очиб ва ёпиб, иккита жанг ўтказиши мумкин.