Топурия октагонга қайтишга тайёр эмас!

Мураббий UFC`нинг икки вазн тоифасидаги собиқ чемпиони октагонга қайтишга тайёрлиги ҳақидаги маълумотни рад этди. Аввалроқ бу ҳақда лига раҳбари Дана Уайт хабар бериб, "Эл Матадор"нинг эҳтимолий рақиблари сифатида Жастин Гэтжи ва Пэдди Пимблеттни тилга олган эди.

"Мен учун бу янгилик. Дана нимани назарда тутаётганини ва қандай маълумотларга таяниб бундай баёнотлар бераётганини билмайман. Ҳозир биз машғулотларни бошлаш ва аста-секин тўлиқ машғулот лагерига қайтишга эътибор қаратганмиз. Айни дамда октагонга қайтиш бизнинг асосий вазифамиз эмас.

Очиқчасига айтганда, Илия ҳақиқатан ҳам жуда яхши тикланмоқда, аммо биз ҳали тўлиқ машғулот лагерини бошлаганимиз йўқ. Қолаверса, биз ҳали ММА бўйича машғулотларни ҳам чинакамига бошламадик", — деди испаниялик мутахассис Хорхе Эброга берган интервьюсида.

Аввалроқ Топуриянинг менежери Малки Кава улар Пимблетт билан жанг қилишдан манфаатдор эмасликларини ва фақат жорий йилнинг июнь ойида бирлаштирувчи жангда муддатидан олдин мағлуб бўлган Гэтжи билан зудлик билан реванш ўтказишни кутаётганликларини маълум қилган эди.