08 сен 19:18
Янгиликлар
Бокс/ММА
Тўрабек Хабибуллаев ЖЧ чорак финалига йўл олди, навбатдаги рақиб Қозоғистондан бўлади
Ливерпуль шаҳрида бокс бўйича катталар ўртасидаги Жаҳон чемпионати ўтказилмоқда.
Мусобақада -90 кг вазн тоифасида юртимиз шарафини ҳимоя қиладиган Тўрабек Хабибуллаев бугун илк жангини ўтказди. У баҳсларга иккинчи босқичдан қўшилди. Ушбу босқичда боксчимизга Греция вакили Вагкан Нанитзаниан рақиблик қилди.
Тўлиқ давом этган жангда Тўрабек 5:0 ҳисобида ғалабага эришиб, чорак финалга йўл олди.
Энди Хабибуллаев 10 сентябрь куни чорак финалда қозоғистонлик Сaгиндик Тогамбайга қарши рингга кўтарилади.
Бугун кечки дастурда яна 4 нафар боксчимиз ўз жангини ўтказади.
Ҳавола :
Манба : olamsport.com
Фикрлар