12 авг 12:31
Янгиликлар

Теннис

Торонто (WTA): Дунёнинг биринчи ракеткаси юришини тўхтатди

Канаданинг Торонто шаҳрида теннис бўйича WTA Premier 5 тоифасидаги нуфузли турнир давом этмоқда.

Канада Очиқ чемпионати номини олган Rogers Cup турнирининг соврин жамғармаси 2 миллион 434 минг 389 долларни ташкил қилади. Кутилмаганда дунёнинг биринчи рақамли теннис маликаси Каролин Плишкова ярим финал остонасида ўз юришини тўхтатди.

Чехиялик теннисчи турнирда олтинчи рақам остида таснифланган даниялик Каролин Возняцкига ютқазиб қўйди. Тўрт дақиқаси кам 3 соат давом этган учрашувда Возняцки 7:5, 6:7(3), 6:4 ҳисобида зафар қучди. Унинг ярим финалдаги рақибаси турнир кашфиётига айланган америкалик Слоан Стивенс бўлади.