“Тошкент баҳори” рейтинг турнири бўлиб ўтди ФОТОГАЛЕРЕЯ

Жами 200 нафардан ошиқ шахмат ихлосмандлари иштирок этган рейтинг турнири 9 тур давом этди. Шахматчилар рейтинг кўрсаткичларига қараб, икки – “А” ва “Б” гуруҳларига бўлинган ҳолда беллашувларда ўз маҳоратларини намоён этдилар.

“А” гуруҳида 9 имкониятдан 7,5 очко жамғарган Саъдулло Азизов турнир ғолиби бўлди. Кейинги ўринларга 7 очкога эга бўлган Марсель Шоюсупов ҳамда Зилола Актамова эришди.

“Б” гуруҳида эса Ҳуснорахон Ҳуснитдинова 9 имкониятдан 8 очко олган ҳолда пешқадам бўлди. 2-ўринга тожикистонлик шахматчи Умарджон Охунов эга чиқди. Умарджон турнир давомида 7,5 очко тўплашга эришди. Саидакром Саидазимов 7 очко билан 3-ўринни олди.

Ғолиб ва совриндорлар ташкилотчилар томонидан таъсис этилган медаль, диплом ва пул мукофотлари, эсдалик совғалари билан тақдирланди.

Алимурод МАМАДАМИНОВ, ўз мухбиримиз