14 окт 13:40
Янгиликлар

Теннис

Тошкент Челленжер ғолиби 25, финалчи эса 81 поғонага кўтарилади

Хабар берганимиздек, бундан бир неча дақиқа аввал теннис бўйича соврин жамғармаси 150 000 АҚШ долларини ташкил қилувчи Тошкент Челленжер турнири якунланди.

Ўз тарихида юбилей - ўнинчи бор ташкил этилган мусобақада ғолиб чиққан турнирнинг тўртинчи ракеткаси испаниялик Гильермо Гарсия-Лопес душанба куни эълон қилинадиган ҳафталик янги рейтингда 25 поғонага кўтарилиб олади.

Айни пайтда Гильермо дунё рейтингида 105-ўринни эгаллаб турибди. Бугун қўлга киритган 125 рейтинг очкоси эвазига у энди 80-поғонадан жой эгаллайди. Финалчи польшалик 21 ёшли Камил Майжак эса 317-ўриндан 236-поғонага юқорилайди.