12 окт 08:26
Янгиликлар

Теннис

Тошкент Опен-2018 ғолибаси Линцда 10-ракеткани мағлуб этди

Австриянинг Линц шаҳрида WTA таснифидаги нуфузли аёллар теннис турнири давом этмоқда.

Уч ҳафта аввал пойтахтимизда ташкил этилган “Тошкент Опен-2018” турнирида бош совринни қўлга киритган Маргарита Гаспарян Линц мусобақасида муваффақиятли одимлаяпти. Россиялик теннисчи Кики Бертенсни мағлуб этиб, чорак финал иштирокчисига айланди.

Дунёнинг 137-ракеткаси бўлиб турган Гаспарян Upper Austria Ladies Linz турнирининг 2 соату 19 дақиқа давом этган иккинчи давра баҳсида WTA рейтингида 10-ўринни эгаллаб турган голландиялик кучли рақибасини 7/5, 2/6, 7/6(3) ҳисобида таслим этди. Бугун Маргарита чорак финалда италиялик Камила Жоржига қарши кортга чиқади.