17 ноя 19:04
Янгиликлар

Бокс/ММА, Шахмат

Тошкент Осиё чемпионати баҳсларига мезбонлик қилади

Asian Boxing ташкилоти 2026 йилги Осиё чемпионатларига расмий мезбонларни эълон қилди.

Бу ҳақда Ўзбекистон ҳаваскор бокс федерацияси матбуот хизмати хабар берди. Унга кўра, дастлаб катталар иштирокидаги Осиё чемпионати 28 мартдан 11 апрелгача Мўғулистоннинг Улан-Батор шаҳрида ўтказилади.

Тошкент эса, ўсмирлар (U-15) ва ёшлар (U-17) ўртасидаги Осиё биринчилигига мезбонлик қилади. Қитъа биринчилиги 1-16 май кунлари оралиғида ташкил этилади.

2026 йилги U-19 ва U-22 чемпионати мезбонлиги эса Индонезия пойтахти Жакарта шаҳрига ишониб топширилди. Бу Осиё чемпионати 3-16 июль кунлари оралиғида бўлиб ўтади.