07 дек 13:57
Янгиликлар

Тошкентда катталар ўртасидаги Ўзбекистон чемпионати бошланмоқда: бугун қуръа ташлаш маросими ташкил этилади

Хабар бериб ўтганимиздек, 8-14 декабрь кунлари Тошкент шаҳридаги "Универсал" спорт саройида бокс бўйича катталар ўртасидаги Ўзбекистон чемпионати ўтказилади.

Мусобақада Республикамизнинг турли ҳудудларидан 500 нафарга яқин боксчи (эркаклар 13 та, аёллар 12 та вазн тоифасида медаллар учун кураш олиб боради.

Улар қаторида Олимпия ўйинлари иштирокчилари, жаҳон ва Осиё чемпионати совриндорларини ҳам кўришимиз мумкин.

Бугун мусобақа олдидан расмий тадбирлар - мандат комиссияси, техник митинг ва қуръа ташлаш маросими бўлиб ўтади. Тадбирлар Халқаро бокс ассоциацияси - AIBA стандартларига мос равишда ташкил этилмоқда.

Мазкур жараёнларни ёритиш истагида бўлган ОАВ вакиллари бугун соат 18:00да "Универсал" спорт саройига таклиф этилади.

Ўзбекистон бокс федерацияси матбуот хизмати