UZ

Сўнгги янгиликлар

20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0 17:41Хави «Барселона»да қолиши мумкин, бироқ бош мураббий сифатида эмас 0 17:18Дзюдо. Анталия "Катта Дубулға" турнирига қуръа ташланди, ҳамюртларимизнинг илк рақиблари билан танишинг 0 16:58Нигина Абдураимова Словенияда чорак финалга чиқди 0 16:37Адесанья UFC 305 турнирининг марказий жангида октагонга кўтарилиши мумкин 0 16:16Месси: "ЖЧ-2022да ғолиб бўлмаганимизда, мен терма жамоадан кетардим" 0 15:54Жасур Алижанов МPL 9 нинг санаси ва манзилини очиқлади 0 15:32Тошкентда шахмат бўйича "Георгий Агзамов хотира турнири" старт олди 0 15:11UFC россиялик аралаш яккакураш усталари ўртасидаги қизиқарли жангни эълон қилди 0

10 мар 18:53
Янгиликлар

Бошқалар

Тошкентда крикет бўйича тренерлар тайёрлашнинг иккинчи босқич ўқув-семинари ўтказиляпти + ФОТО

Оммавийлиги жиҳатдан футболдан кейин иккинчи ўринда турувчи ва бугунги кунга келиб жаҳоннинг 4 миллиарддан ортиқ аҳолисининг севимли спорт турига айланган крикет мамлакатимизда ҳам оммалашмоқда.

Ўзбекистон крикет федерацияси 2019 йилда ташкил этилган. Фаолиятига ҳали унча кўп бўлмаган крикет федерацияси томонидан ҳозиргача 6 та 13 ёшгача, 4 та 19 ёшгача, 4 та катталардан иборат ҳамда 1 та хотин-қизлар жамоалари ташкил  этилган.  

Бундан ташқари, Ўзбекистонда истиқомат қилиб, турли соҳаларда меҳнат қилаётган чет эллик мутахассислардан иборат 2 та жамоа ҳам шаклланган. Мамлакатимизнинг Тошкент шаҳри, Қашқадарё, Фарғона, Самарқанд, Тошкент, Сурхондарё, Бухоро ва Хоразм сингари вилоятларида ҳам жамоалар мавжуд. 

Ўтган давр мобайнида йиғилган жамоалар ўртасида крикет бўйича мусобақалар режага кўра ўтказилмоқда. Бундан ташқари ЎКФ томонидан айни пайтда крикет бўйича эркаклар ва аёллардан иборат терма жамолар шакллантирилиб, 2023 йилнинг 23 сентябрь - 8 октябрь кунлари Хитойнинг Ханчжоу шаҳрида ўтказиладиган ёзги Осиё ўйинларига тайёргарликни бошлаб юборишган.

Яна бир қувонарли жиҳат, ўтган йилнинг 26 июль куни Буюк Британиянинг Бирмингем шаҳрида Халқаро Крикет Кенгаши (ICC)нинг навбатдаги конгресси бўлиб ўтди. Мазкур конгрессда крикет бўйича бажарилаётган ишлар сарҳисоб қилинди. 

Конгресс регламентига мувофиқ, крикет ривожланаётган мамлакатларнинг ICC га аъзолик масалалари ҳам муҳокама қилинди. Ушбу конгрессда Ўзбекистон крикет федерацияси томонидан амалга оширилаётган ишлар муҳокамага қўйилди ва бир овоздан халқаро крикет кенгашининг аъзолигига 106-давлат сифатида қабул қилинди. 

Шундан сўнг ЎКФ нинг ривожланиши янги босқичга кўтарилди. Хусусан, Ўзбекистон Крикет федерацияси крикет бўйича икки босқичли мураббийларни (Level-1 Criket Coaching ) тайёрлаш мақсадида Ўзбекистон Республикаси Ёшлар сиёсати ва спорт вазирлиги билан ҳамкорликда 2022 йилнинг октябрь-ноябрь ойларида вилоятларда жисмоний тарбия ўқитувчилари, спорт мактаблари мураббийларини жалб қилган ҳолда ўқув-йиғин машғулотларини ўтказишди. 

Ушбу икки босқичли  ўқув-семинар иштирокчиларига Халқаро крикет кенгаши (ICC) томонидан юборилган покистонлик крикет бўйича олий тоифали тренер Тоҳир Муҳаммад  устозлик қилди.

Бугундан Халқаро крикет кенгаши (ICC) томонидан Ўзбекистонда Level-I ҳалқаро крикет мураббийлигига ўқитиш курсининг иккинчи босқичи ўтказилмоқда. Мазкур ўқув-курсини олий тоифали инструктор, ICC нинг Осиё мамлакатларида крикет спорт турини ривожлантириш бўлими бошлиғи, жаноб Иқбол Скандер (БАА) олиб бормоқда.  

Семинар иштирочилари уч кунлик ўқув-машғулотларни якунлагач, ICC вакилига имтиҳон топширишади ва имтиҳонлардан муваффақиятли ўтган тингловчилар Халқаро Крикет Кенгашининг биринчи босқичли халқаро  крикет мурраббийси сертификатига эга бўлишади. 

Муҳим жиҳати, биринчи босқич халқаро крикет мураббийлик сертификатини қўлга киритган тренерлар нафақат мамлакатимизда балки хорижий давлатларда ҳам крикет бўйича тренер бўлиб ишлаш имкониятига эга бўлишади. 

Ўқув-семинар 13 мартга қадар давом этади.

Илҳом РАҲМОНОВ тайёрлади

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг