Тошкентда ўтадиган Octagon 87 турнири асосий кардининг бир нечта жанглари тасдиқланди + ПОСТЕР

Хабар берганимиздек, 13 июнь куни "Ҳумо Арена"да ташкил этиладиган Octagon 87 турнирининг асосий жангида ҳамюртимиз Муҳиддин Мамажонов (16-6) Тожикистон вакили Фазлиддин Мадраҳимов (9-1)га қарши октагонга чиқади. Беш раундлик ушбу жанг енгил вазн тоифасидаги Interim (вақтинчалик камар) учун кечади. Бу икки аралаш яккакураш устасининг ўзаро учинчи жанги бўлади. Дастлабки баҳсда Мадраҳимовнинг қўли баланд келган бўлса, иккинчи жангда дуранг қайд этилган эди.

Оқшомнинг co-main event жанги оғир вазн тоифасида ташкил этилади. Чемпионлик камари ўртага қўйилаётган ушбу беш раундлик жангда ҳамюртимиз Азамат Нуфтиллаев (17-2) қозоғистонлик Айбек Эрметов (5-0)га қарши баҳс олиб боради. 

Асосий кард доирасидаги яна бир ўз тасдиғини топган жангда Анвар Гоюбов (5-1) тожикистонлик Жонибек Жабборов (5-1) билан ҳисоб-китоб қилади. Шунингдек, расмий постердан кўринибдек турибдики, Поп-ММА вакили, "правасиз" автомобил ҳайдаб қўлга тушган Жасурбек "Тайсон" Жўраев ҳам Octagon 87 турнирида октагонга чиқади. Ҳозирча унинг рақиби келтирилмаган.