23 янв 07:44
Янгиликлар

Бокс/ММА

Тошкентда проф бокс оқшоми ўтказилади, унда икки Париж Олимпиада чемпионимиз ҳам жанг қилади + ПОСТЕР

28 январь куни пойтахтимиздаги "Юнусобод" спорт мажмуасида Lift промоутерлик компанияси томонидан профессионал бокс оқшоми ташкил этилади.

Оқшом доирасида Париж-2024 XXXIII ёзги Олимпия ўйинлари ғолиблари Абдумалик Халоков ҳамда Лазизбек Мулложонов профессионал боксдаги навбатдаги жангларини ўтказишади. Бундан ташқари, мазкур турнир доирасида яна бир ҳамюртимиз Сухробжон Қаюмов ҳам рингга чиқади.

Боксчиларга ўша куни кимлар рақиб бўлиши номаълум. Турнир доирасида Абдумалик Халоков 6, Лазизбек Мулложонов эса 8 раундлик жангда иштирок этади. Халоков шу кунгача проф боксда 1 та, Мулложонов эса 4 та жанг ўтказиб, уларнинг барчасида ғалаба қозонган.

Маълумот ўрнида, Lift промоутерлик компанияси ўзининг сўнгги бокс оқшомини 2023 йилнинг 17 ноябрь куни "Ҳумо Арена"да ўтказганди.