Тошкентда таэквондо бўйича Жаҳон чемпионати старт олди, бугун уч нафар ҳамюртимиз медаль учун баҳс юритади

Хабар берганимиздек, жорий йилги дунё биринчилигида 115 та мамлакатдан жами 1500 нафарга яқин спортчи ва мураббийлар иштирок этишмоқда. Ёш таэквондо усталари 20 та вазн тоифасидаги (йигитлар 10 та, қизлар 10 та вазн тоифасида) медаллар учун кураш олиб боришади. Ёшлар ўртасидаги Жаҳон чемпионатида 2009 йил 1 январдан 2011 йил 31 декабргача туғилган спортчилар иштирок этишади.

Бугун, мусобақанинг илк кунида йигитлар +78 кг, қизлар эса 46 кг, 59 кг вазн тоифаларидаги баҳсларда иштирок этишади. 

Унда юртимиз шарафини қуйидаги спортчилар ҳимоя қилишади:

Алишер Пак (+78 кг) 

Комила Султанова (46 кг) 

Виктория Денисенко (59 кг).

12 апрель куни учун дастур вақтлари:

9:00 — 13:30 (Саралаш босқичи)

14:30 — 16:30 (Нимчорак ва чорак финал босқичи)

16:30 — 17:30 (Ярим финал босқичи)

18:00 — 19:00 (Очилиш маросими)

19:15 — 20:15 (Финал босқичи).