08 июн 15:35
Янгиликлар

Бокс/ММА

Тошкентликларга ўзига хос мурожаат йўллаган Азизхон Азимов жангларга қайтмоқда

23 июнь куни Қозоғистоннинг Алмати шаҳрида ММА бўйича Octagon 59 турнири бўлиб ўтади.

Ташкилотчилар томонидан оқшомнинг прелим кардидан ўрин олган жанг эълон қилинди.

Енгил вазн тоифасида ўзбекистонлик аралаш яккакураш устаси Азизхон Азимов мусобақа доирасида октагонга чиқади. Унга ўша куни Қозоғистон вакили Тамерлан Жакенов рақиблик қилади.

Маълумот учун, Азизхон Азимов фаолияти давомида 7 та жанг ўтказиб, 4 ғалаба ва 3 мағлубият қайд этган. Унинг рақиби Тамерлан Жакенов эса иккита жанг ўтказиб, ҳар иккисида рақиблари устидан зафар қучган.

Эслатиб ўтамиз, Азизхон Азимов январь ойида ўзининг сўнгги жангида мағлуб бўлганидан сўнг, тошкентликларга мурожаат қилиб, унга ёрдам кераклигини айтган эди.