19 май 18:10
Янгиликлар

Бокс/ММА

Трампнинг эркатойи UFC ростеридан чиқарилди

UFC жангчиси Колби Ковингтон фаолиятини якунлади

Америкалик аралаш яккакураш устаси Колби Ковингтон UFC ростеридан чиқарилди ва промоушеннинг расмий сайтида фаолиятини якунлаган жангчи сифатида қайд этилди.

Ковингтон MMA’даги фаолиятини 2012 йилда бошлаган, UFC’да эса 2014 йилда дебют қилган. Унинг энг яхши серияси еттита ғалабадан иборат бўлган ва яримўрта вазнда бир йилдан ортиқ чемпионлик камарига эгалик қилган.

Бироқ у сўнгги олтита жангининг тўрттасида мағлуб бўлди. Охирги марта UFC 272 турнирида Хорхе Масвидал устидан ғалаба қозонган. Шундан кейин 2024 йилда Леон Эдвардс ва Хоакин Баклига ютқазган.

2026 йил март ойида Ковингтон UFC’нинг Оқ уйдаги турнири кардига киритилмаганидан норози эканини билдирган эди.