Триатлон. "iPhone" ўрнига бўш ғилоф" мавзуси бўйича расмий баёнот берилди

Унда айтилишича, 16 ёшли Феруза Элиевага Тошкентда ўтказилган Марказий Осиё кубогида ғолиб бўлса "iPhone 12 Pro" телефони ваъда қилинганди. Аммо ғолиб бўлган Ферузага телефон эмас, унинг ғилофи берилгани айтилди. 

Ўзбекистон триатлон федерацияси ушбу масала юзасидан расмий баёнот берди. Olamsport.com сайти баёнотни ўзбек тилига таржима қилган ҳолда эътиборингизга ҳавола қилади:

"Сизга шуни маълум қиламизки, спортчи Феруза Элиева ва унинг отаси Ибодулла Чўлиевнинг оммавий баёнотига кўра, спортчининг мураббийи унга 2021 йил 5-6 июнь кунлари бўлиб ўтган Марказий Осиё кубогининг биринчи босқичида қатнашгани ва ғолиб чиққанлиги учун iPhone 12Pro совринини олишини маълум қилган. 

Феруза Элиева спортчи, 20.05.2005 йилда туғилган, у Қашқадарё вилояти техник ва амалий спорт турлари бўйича "Ватанпарвар" марказида спорт машғулотларини ўтказади ва Ўзбекистон Триатлон Федерацияси томонидан ташкил этилган қуйидаги спорт тадбирларида иштирок этган:

-  Дуатлон бўйича Ўзбекистон чемпионати , 8.11.2020 йил, ўз тоифасида 8-ўрин.

-  Дуатлон бўйича Ўзбекистон кубоги, 17-18 апрель 2021 йил, ҳакамлар қарори билан дисквалификация қилинган.

-  Триатлон бўйича Ўзбекистон чемпионати, 5-6 июнь кунлари 2021 йил, 15-17 қизлар ўртасида 1-ўрин, аёллар ўртасида умумий ҳисобда 3-ўрин.

-  Марказий Осиё (САТА) кубоги биринчи босқичи, 5-6 июнь 2021 йил, ўз ёш тоифасида 1-ўрин ва аёллар ўртасидаги баҳсларда умумий ҳисобда 5-ўрин. 

2021 йил 5 июнда Ўзбекистон Триатлон федерациясининг расмий веб-сайтида эълон қилинган триатлон бўйича Ўзбекистон чемпионатининг ушбу тадбир олдидан соврин жамғармаси тақдим этилмаган:

31-банд - Мукофотлаш:

«Ғолиблар мусобақа масофасини энг яхши вақтда босиб ўтишгани билан аниқланади. Ёш тоифаларида 1-3 ўринларни эгаллаган иштирокчилар медаллар ва дипломлар билан тақдирланади».

Шунга кўра, 2021 йил 5 июнда бўлиб ўтган Марказий Осиё кубогининг биринчи босқичи ҳам соврин жамғармаси назарда тутилмаган:

31-банд - Мукофотлаш:

«Ғолиблар мусобақа масофасини энг яхши вақтда босиб ўтишгани билан аниқланади. Ёш тоифаларида 1-3 ўринларни эгаллаган иштирокчилар медаллар ва дипломлар билан тақдирланади».

Бундан ташқари, Ўзбекистон чемпионати ва Марказий Осиё кубогининг биринчи босқичи давомида Ўзбекистон Триатлон федерацияси ҳеч қачон ғолиблар ва иштирокчиларни ҳар қандай қимматбаҳо совғалар, шу жумладан смартфонлар (iPhone Pro 11 ёки iPhone Pro 12) билан мукофотлашга ваъда бермаган.

Триатлон федерациясида Феруза Элиева ва Ибодулла Чўлиевнинг триатлон бўйича мураббийи спортчини 2021 йил 5 июнда бўлиб ўтган Ўзбекистон чемпионатида ёки шу куни биринчи САТА Кубогида ғолиб чиққанлиги учун соврин олиш имконияти тўғрисида эълон қилгани ҳақидаги баёнотлари ҳақида маълумот йўқ. 

Ушбу факт бўйича триатлон федерацияси «Ватанпарвар» ташкилотига сўров юборди (илова қилинган)

Триатлон бўйича амалдаги Ўзбекистон миллий терма жамоаси спортчиларининг рўйхати 2021 йил 18 январда мураббийлар кенгаши томонидан Ўзбекистон триатлон федерациясининг талабларига мувофиқ шакллантирилган ва тасдиқланган. Терма жамоамиз таркибига 26 нафар спортчи, 13 нафар Тошкент шаҳри ва Тошкент вилояти ҳамда Ўзбекистоннинг бошқа вилоятларидан 12 нафар спортчи киради.

Шунингдек, Феруза Элиева ҳозирда триатлон бўйича Ўзбекистон ёшлар терма жамоасига киритилмаганлигини эътиборингизга ҳавола этамиз, чунки тасдиқланган тартибга кўра, Ўзбекистон миллий терма жамоасининг таркиби йилининг охирида тузилади ва Республика олий спорт маҳорат мактаби ва Ўзбекистон Республикаси Туризм ва спорт вазирлигига тасдиқлаш учун тақдим этилади

"Ватанпарвар" Мудофаага кўмаклашувчи ташкилотига юборилган сўров:

"Спортчи Феруза Элиева ва унинг отаси Ибодулла Чўлиевнинг оммавий баёнотига кўра, спортчининг мураббийи унга 5-6 июнь кунлари бўлиб ўтган Ўзбекистон чемпионати ва Марказий Осиё кубогининг биринчи босқичида қатнашгани ва ғалаба қозонгани учун iPhone 12Pro соврини олишини билдирган.

Маълумот: Қашқадарё вилояти Қарши шаҳридаги Ватанпарвар техник ва амалий спорт турлари марказида 2018 йилдан буён триатлон билан шуғулланади. Мураббий Жураева Ю.

Сиздан икки кун ичида Феруза Элиеванинг мураббийи спортчига нима учун 2021 йил 5-6 июнь кунлари бўлиб ўтган триатлон бўйича Ўзбекистон чемпионатида ва CАТА кубогининг биринчи босқичида иштирок этиш ва ғалаба қозониши учун қимматли смартфон мукофоти (iPhone 12) ваъда бергани ва ваъдасини бажармагани ҳақида изоҳ беришингизни сўраймиз", - дейилади Ўзбекистон триатлон федерацияси томонидан берилган маълумотда.