28 окт 17:33
Янгиликлар
Триатлон
Триатлончимиз Жереми Куиндос Осиё Очиқ кубогида шоҳсупага кўтарилди
Хитойнинг Уси шаҳрида триатлон бўйича Осиё Очиқ кубогининг навбатдаги босқич беллашувлари бўлиб ўтди.
Унда Жереми Куиндос иштирок этиб, мамлакатимиз шарафини муваффақиятли ҳимоя қилди. Олимпия масофаларида ўтказилган беллашувларда Ўзбекистон терма жамоаси аъзоси Жереми Куиндос маррага учинчи бўлиб етиб келди ҳамда бронза медали билан тақдирланди. Руминиялик Феликс Душампт олтин, нейтрал спортчи Денис Колобродов кумуш медалга сазовор бўлди.
Маълумот учун, Жереми Куиндос 2011-2023 йиллар давомида Франция терма жамоаси аъзоси сифатида бир неча мусобақаларда иштирок этиб, ғолиб ва совриндорлар сафидан жой олган. Шу йилнинг июль ойида у Ўзбекистон терма жамоаси сафига ўтди. Жереми ўтган ой Қозоғистонда ўтказилган Осиё кубогида терма жамоамизга бронза медалини келтирган эди.
Ҳавола :
Манба : uza.uz
Фикрлар