Туризм ва спорт вазирлигида Токио-2020 Тезкор штаби ўз фаолиятини бошлади

Бу сафарги мусобақага бўлган қизиқиш ҳар қачонгидан юқори, десак муболаға бўлмайди. Чунки, 32-маротаба ўтказилаётган ўйинларни иштирокчилар ва албатта мухлислар ҳам анча узоқ, яъни 5 йил кутишди. Ваҳоланки, шу пайтгача бирон маротаба замонавий Олимпия ўйинларининг муддати ўзгармаган.

Мазкур ўйинларнинг юртимиз спортчилари учун аҳамиятли жиҳати шундаки, Токиодаги мусобақалар халқимизнинг энг улуғ ва энг азиз байрами – Ўзбекистон Республикаси давлат мустақиллигининг 30 йиллик юбилейи арафасида ўтказилмоқда. Шу боис ҳар бир спортчимиз кунчиқар юртдан ёруғ юз билан қайтиб, истиқлол айёмига муносиб тўёна ҳозирлашни мақсад қилишган.

Бўлажак ўйинларга бўлган қизиқишнинг юқори эканлигини инобатга олган ҳолда Туризм ва спорт вазирлигида тезкор штаб фаолияти йўлга қўйилди. Тезкор штаб 2021 йил 17 июлдан 5-центябрга қадар фаолият кўрсатиб, унинг олдига Япониянинг Токио шаҳрида бўлиб ўтадиган ХХХИИ ёзги Олимпия ва ХВИ Паралимпия ўйинларидаги юртимиз спортчиларининг иштироки тўғридаги кунлик маълумотларни умумлаштириш ҳамда уларни кенг спорт жамоатчилигига етказиш вазифаси юклатилган.

Маълумот учун: Токио-2020 ХХХII ёзги Олимпия ўйинларида иштирок этадиган Ўзбекистон делегацияси шу йилнинг 19 июль санасида чартер рейс орқали кунчиқар юртга жўнаб кетишади.

Тезкор штаб билан боғланиш ва керакли маълумотларни олиш учун қуйидаги рақамларга мурожаат қилишингиз мумкин:

(95) 142-73-77,

(95) 143-73-77