Турк нашри: Машарипов "Трабзонспор" либосини кийишни хоҳламоқда, "Пахтакор" футболчи учун 2 миллион сўради

Эслатиб ўтамиз, олдинроқ "FotoMac" нашри "Пахтакор"нинг Машарипов учун 6 миллион евро сўраётгани ҳақида хабар тарқатган эди. Кейинчалик "championat.asia" таҳририяти вазиятга ойдинлик киритиш мақсадида "Пахтакор" раҳбарияти билан боғланган ва шундан сўнг "FotoMac"нинг хабари асоссиз эканлиги маълум бўлганди.

Karadeniz нашрининг бир неча соат олдин тарқатган маълумотларига кўра, "Трабзонспор" собиқ ўйинчиси Шота Арвеладзе бошқарувидаги "Пахтакор" клуби ярим ҳимоячиси Жалолиддин Машарипов Европага йўл олишни хоҳламоқда ва "Трабзонспор" либосини кийишни хоҳлаётганини билдирган.

Ўзбекистон клуби Машарипов учун "Трабзонспор"дан 2 миллион евро миқдорида маблағ сўраган. Бундан ташқари турклар чап қанот ўйинчиси учун ҳар қандай тўловларга тайёр.