Турки Ал аш-Шейх Канело – Кроуфорд жангидаги нокаут учун қўшимча бонус эълон қилди

Агар ушбу жангда ким муддатидан аввал нокаут ёки техник нокаут билан ғалаба қозонадиган бўлса, қўшимча пуллик бонусни қўлга киритади. Ал аш-Шейх ҳозирча ушбу мукофот пулининг миқдорини ошкор қилмади. Шуниси аниқки, худди шундай бонуслар Riyadh Season байроғи остида ўтказиладиган барча жангларга амал қилади.

Эслатиб ўтамиз, Сауль Альвареснинг май ойида Уильям Скуллга қарши ўтказган жанги зарбалар сони бўлса антирекорд ўрнатганди. Тўлиқ 12 раунд давом этган жангда ҳар икки боксчининг умумий йўллаган зарбалари бор йўғи 445 тани ташкил қилганди. 

"Мен ҳар қандай ҳолатда ҳам бу жангни ютаман. Ҳеч кимга бутун умр қилиб келаётган ишимни қандай амалга оширимни ўргатишларига йўл қўймайман. Лекин шуни ваъда бера оламанки, жангда қочмайман, аксинча мен томондан йўлланадиган зарбалари кўп бўлади", — дея бонус ҳақидаги янгиликка муносабат билдирган Теренс Кроуфорд.