14 май 16:57
Янгиликлар

Оғир атлетика

Турсуной Жабборова Осиё чемпионати совриндори бўлди

Хитойнинг Жиангшан шаҳрида оғир атлетика бўйича катталар ўртасида Осиё чемпионати якунига кетиб бормоқда.

Бироз аввал аёллар ўртасида -87 кг вазн тоифасида баҳслар ўтказилди. Ушбу вазнда юртимиз шарафини ҳимоя қилган Турсуной Жабборова даст кўтаришда 108 кг натижа қайд этиб, бронза медалига сазовор бўлди.

Афуски, Жабборовага силтаб кўтариш ва умумий ҳисобда бироз омад етишмади ва у якунда саккизинчи поғонадан жой олди. Шунингдек, ушбу вазнда қатнашган яна бир вакилимиз Нигора Сувонова олтинчи натижани қайд этди.