Турсуной Раҳимова: "Туркиялик боксчини мағлуб этганимда, финалгача боришимга ишонардим"

Жангда устунлик қилган вакиламиз якунда афсуски ҳакамларнинг тушунарсиз қарори сабаб мағлубиятга учради. Жангдан сўнг Турсуной билан боғланиб вазият ҳақидаги фикрларини сўрадик.

"Олимпиадада чемпион бўлишни, юртимизга олтин медаль билан қайтишни жуда-жуда хоҳлагандим шу. Насиб қилмаган экан, лекин шунисига ҳам шукр. Лекин бу жангда ғалаба қозондим деб ўйлагандим. Биринчи ва учинчи раундда ютганимни ўзим сезиб тургандим. Иккинчи раунда енгилган бўлсам ҳам, ҳеч бўлмаганда бир ҳамда учинчи раунда очколарни менга беришлари керак эди. Билмадим. Мана шу биринчи рақамли туркиялик рақибамнинг тўсиғидан ўтиб олганимда, кейинги жангларда ўзим аввал енгиб юрган боксчиларга қарши рингга чиқиб, финалгача боришимга ишонардим. Бунинг учун ҳаммадан узр сўрайман", - деди Турсуной Раҳимова афсус билан.