U-18 ЖЧ. Хоккейчиларимиз Босния ва Герцеговинани доғда қолдиришди. Кейинги ўйин ҳал қилувчиси бўлади

Босния ва Герцеговина ёшларига қарши бўлиб ўтган учрашувда хоккейчиларимиз 11:3 ҳисобида зафар қучишди.

Шу тариқа, Ўзбекистон U-18 терма жамоаси ЖЧдаги тўртинчи ўйинида тўртинчи ғалабасини қўлга киритди. Вакилларимиз Б гуруҳида ҳали ҳам пешқадамликни давом эттиряпти. Жасурбек Рустамхонов (12+8) ҳамда Альберт Дадахўжаев (6+8) эса тўпурарлар рўйхатини бошқармоқда.

Турнирнинг эртанги кунида ўйинлар ўтказилмайди. 6 март куни эса йигитларимиз Б гуруҳи ғолиблиги ва III дивизионнинг А гуруҳига йўлланма учун иккинчи ўриндаги Таиланд термасига қарши музга чиқади. Беллашув 18:00 да бошланади.

III дивизион, B гуруҳи (4- тур)

Таиланд, Бангкок.

Ўзбекистон - Босния ва Герцеговина 11:3 (2:1, 4:1, 5:1)

Голлар: Вучинич (Босния ва Герцеговина), Рустамхонов, Боходиров, Попов, Дадахўжаев, Халевин, Чапин (Босния ва Герцеговина), Халевин, Халевин, Рустамхонов, Попов, Абдувосиқов, Чапин (Босния ва Герцеговина), Рустамхонов.