23 окт 22:20
Янгиликлар
Спорт курашлари
U-23 Жаҳон чемпионати. Дониёрхон Накибов бронза медали учун баҳсда гиламга чиқди
Албаниянинг Тирана шаҳрида спорт курашлари бўйича U-23 Жаҳон чемпионатининг учинчи кунги беллашувлари ўтказилмоқда.
Мусобақанинг бугунги куни доирасида фақатгина бир нафар ҳамюртимиз, 77 кг вазндаги юнон-рум кураши устаси — Дониёрхон Накибов гиламга кўтарилди.
У кеча ўтказилган баҳсларда ярим финалда мағлуб бўлганди. Бугун Накибов эронлик Али Забиҳоллаҳ Оскуга қарши ярим финал босқичи доирасида баҳс олиб борди.
Афсуски, беллашув 6:4 ҳисобида эронлик спортчи фойдасига якунланди.
Шу тариқа, мусобақадаги медалларимиз сони битталигича ўзгаришсиз қолди. Кеча 60 кг вазнли юнон-рум курашчиси Алишер Ғаниев олтин медалга эга чиққан эди.
Ҳавола :
Манба : olamsport.com
Фикрлар