"У Головкинни истади". Бивол Канелони айбдор қилди

Аммо Сауль Бивол билан жанг қилиш истаги борлигини омма олдида кўп бора айтганди.

"У мен билан жанг қилишга иштиёқи борлигини лоф қилган. Буни билардим. Мен ҳам биринчи жангдаги каби шарт-шароитлар билан унга қарши жанг қилиш ниятида эмасман. Нега жанг қилишим керак экан?

Мен "ҳа" дедим ва унинг барча шартларига кўндим. Менга ҳозирги ҳолатим маъқул келмоқда. Агарда Канело мен билан жанг қилишни истаса, ўз титулларини тикиши керак. Бу борада бемалол келишувга эриша оламиз. Бошқа томондан, жангчи ғалаба қозониб, реванш жангида ҳам ўша каби шарт-шароитларда рингга чиққанини кўрганмисиз? Мен бундай гапларни эшитганим йўқ.

Режамиз - сентябрь ёки октябрь, балки, ноябрь ойида жанг қилиш. Тўғрисини айтаман, Канело билан жангимиз амалга ошиши мумкин эди. У Головкин ва Райдер билан жанг қилишни истаётганини айтди. Лекин жамоам билан музокараларга киришмади. Бу шунчаки ўзаро суҳбат каби ўтиб кетди. Уни кутиб ўтириш ниятим йўқ", - деди Бивол.