UAE Warriors 62. Чемпион Бойназаровда ғалаба, Боймирзаевдачи?

Унда икки нафар ҳамюртимиз — ярим ўрта вазн тоифасидаги Лига чемпиони Хотамбек Бойназаров ҳамда энг енгил вазн тоифасидаги Равшанбек Боймирзаев октагонга кўтарилди.

Боймирзаевга 22 яшар россиялик Уллубий Амиржанов рақиблик қилди. Баҳсда Абдулманап Нурмагомедов мактаби тарбияланувчиси бўлмиш Уллубий биринчи раундда техник нокаут орқали ғалаба қозонди.

Бу орқали Равшанбек (5-1) фаолиятидаги илк мағлубиятни қабул қилиб олган бўлса, Амиржанов бешинчи жангидаги бешинчи ғалабасини қўлга киритди.

UAE Warriors Лигасининг ярим ўрта вазн тоифасидаги ўзбекистонлик чемпиони Хотамбек Бойназаров эса илк ҳимоя жангини перулик UFC собиқ чемпиони Жеймс Ллонтопга қарши ўтказди. Тўлиқ 5 раунд давом этган баҳсда ҳакамларнинг якдил қарори билан ҳамюртимиз зафар қучди.

Энди Бойназаровнинг рекорди 11:0 кўринишида. Ллонтоп ҳисобида эса 16 та ғалабадан ташқари 6 та мағлубият мавжуд.