06 фев 08:48
Янгиликлар

Бокс/ММА

Уайлдер Ортисга қарши жангни муддатидан анча аввал тугатмоқчи

Супероғир вазн тоифасида WBC чемпиони Деонтей Уайлдер кубалик даъвогар Луис Ортисга қарши кечадиган жангни муддатидан аввал якунлашни мақсад қилган.

Америкалик жаҳон чемпиони бунга ҳеч қандай шубҳаси йўқлигини маълум қилди.

“Ишончим комил, бу жанг белгиланган раундларидан анча аввал якунланади. Бу фаолиятимдаги энг тезкор нокаут бўлади. Ортис мағлубиятидан кейин ёши катта эканлигини айтиб, баҳона қилишини истамайман”, – деди Уайлдер.

Эслатиб ўтамиз, Уайлдер - Ортис чемпионлик жанги 3 март куни АҚШнинг Нью-Йорк шаҳрида бўлиб ўтади.