09 авг 10:55
Янгиликлар

Бокс/ММА

Уайт Макгрегорнинг Дублиндаги ресторанига ташриф буюрди

UFC президенти Дана Уайт Конор Макгрегорнинг Дублиндаги ресторанига борди.

Дунёнинг энг кучли лигаси раҳбари видео мурожаат ёзиб, унда ирландиялик жангчига тиззасидаги операциядан сўнг тезроқ соғайиб кетишини тилади. Уайт Дублиндаги "Zuffa Boxing 10" турнири олдидан "жанг ҳафталиги" доирасида Ирландияда бўлиб турибди.

"Сизларга айтгандим: мен шу ердаман, Black Forge Inn`даман. Хизмат кўрсатиш аъло даражада, меҳмондўстлик ҳам шундай, таомлар эса жуда мазали. Раҳмат, биродар. Соғайиб кет ва тезроқ оёққа тур", — деди Уайт ижтимоий тармоқларда эълон қилинган видеода.

Операциядан сўнг Макгрегор UFC билан тузилган шартнома бўйича охирги жангини ўтказиш учун 2027 йилги "International Fight Week 2027" (Халқаро жанглар ҳафталиги)да қайтишни режалаштираётганини маълум қилди.