23 мар 10:31
Янгиликлар

Бокс/ММА

Уайт Нейт Диаз ва промоушен ўртасидаги шартномага муносабат билдирди

UFC президенти Дана Уайт енгил вазнда UFC чемпионлигига собиқ даъвогар Нейт Диаз ва Жейк Полнинг Most Valuable Promotions (MVP) промоушени ўртасидаги шартнома имзоланишига изоҳ берди.

"У бир неча ҳафта олдин мен билан учрашгани келганди. Биз вақтни яхши ўтказдик ва менимча, Нейт шунчаки рад эта олмаган таклифни олди. Ўшандан бери у билан гаплашмадим, лекин у учун хурсандман.

UFC’га қайтадими? Билмадим. Ўз иши билан шуғулланаверсин. Жанг қандай ўтишини кўрамиз ва ўшанда яна фикр билдирамиз", - дея Уайтнинг сўзларини келтиради MMAJunkie нашри.

Маълумот учун, Нейт Диаз май ойида бўлиб ўтадиган турнирда UFC собиқ жангчиси, ҳамюрти Майк Перри билан жанг ўтказади.