17 мар 10:52
Янгиликлар

Бокс/ММА

"Учталик чемпион" Холлоуэйни октагонга чорлади

Икки вазн тоифасида собиқ UFC чемпиони, эркин кураш бўйича Олимпиада чемпиони Генри Сехудо ярим енгил вазнда собиқ UFC чемпиони Макс Холлоуэйга қарши жанг ўтказиш истагини билдирди.

"Мен шу кунгача ҳеч қачон Макс Холлоуэйни октагонга чорламаганман. Ҳатто у чемпионлик камарига эга бўлиб турган пайтда ҳам. Лекин айни пайтда менда у билан жанг ўтказиш истаги пайдо бўлди. Одамлар уни мағлуб этишимга ишонишмайди. Унинг баланд бўйи, тажрибаси, универсал жангчи экани устун жиҳатлари. Аммо, менга айнан шундайлар ёқади. Одамларга исботлаш учун ҳам бундай жангларда қатнашаман", — дея Сехудонинг сўзларини келтирмоқда BJ Penn.

Эслатиб ўтамиз, Генри Сехудо 2020 йилнинг май ойидаги ғалабали жангидан сўнг фаолиятини якунлаганини эълон қилганди. Сўнгги интервьюларида эса у октагонга қайтиши ҳақида гапирмоқда.