05 май 12:39
Янгиликлар
UFC 249 мусобақаси Ўзбекистонда намойиш этиладиган бўлди
10 май куни аралаш жанг санъати мухлислари сабрсизлик билан кутаётган, кўп сонли жангчилар иштирокидаги UFC 249 мусобақаси бўлиб ўтади.
Томошабинларнинг катта қизиқиши ва мурожаатини инобатга олган ҳолда, Uzreport TV ушбу мусобақани Ўзбекистонда трансляция қилиш ҳуқуқини харид қилди. Мазкур мусобақа трансляцияси UFC TV ва Metrotelecom билан биргаликда амалга оширилади. Маълумот учун, Metrotelecom UFC TVни Ўзбекистонда трансляция қилиш ҳуқуқининг эксклюзив дистрибютори ҳисобланади.
Турнир 9 май куни кечқурун АҚШнинг Флорида штатидаги Жексонвилдаги "VyStar Veterans Memorial Arena" мажмуасида бўлиб ўтади. Бироқ, минтақалар ўртасидаги вақт тафовути туфайли Ўзбекистонда трансляция 10 май куни эрталаб соат 05:00 да бошланади.
Кун тартибидан 12 та жанг ўрин олган. Шулардан иккитаси - Тони Фергусон ва Жастин Гетжи, шунингдек Генри Сехудо ва Доминик Круз ўртасидаги жанглар титул жанглари ҳисобланади. Сизни бир-биридан қизиқарли тўқнашувлар кутмоқда.
Мусобақа куни томошабинларга ёрқин ҳиссиётлар ва яхши кайфият тилаймиз!
Фикрлар