UFC 290. Энг енгил вазн тоифасида янги чемпион!

UFC 290 турнирининг сo-main event жанги энг енгил вазн тоифаси чемпионлик камари учун кечди. Унда мексикалик амалдаги чемпион Брэндон Морено бразилиялик даъвогар Александр Пантожага қарши октагонга кўтарилди.

Муросасиз жанг тўлиқ беш раунд давом этди ва унда Пантожа ҳакамларнинг айри қарори билан ғалаба қозонди. Икки нафар ҳакам бразилияликнинг, яна бир мексикалик жангчининг ғалабасини таъминлаган. Александр ушбу вазн тоифасида янги UFC чемпионига айланди. 

Энди бу икки жангчининг ўзаро учрашувларидаги ҳисоб 3:0 кўринишига келди. Брэндона Морено бугун фаолиятидаги 31-жангини ўтказди. Унинг ҳисобида 21 ғалаба ва 8 мағлубият бор. Иккита жанг дуранг натижа билан якунланган. Пантожа эса профессионал фаолиятида 28 ғалаба ва 6 мағлубият қайд этган. Бразилиялик сўнгги учта жангида зафар қучган.