UFC 315: Билол Муҳаммаднинг мағлубияти, Валентина Шевченкода ғалаба ва барча натижалар битта саҳифада

Кечанинг марказий жангида Билол Муҳаммад яримўрта вазн тоифасидаги чемпионлик камарини Жек Делла Маддаленага бой бериб қўйди. Co-main event жангда эса Валентина Шевченко аёллар ўртасидаги ўта енгил вазн чемпионлик камарини Манон Фьородан ҳимоя қилди. 

Турнирда қайд этилган натижалар билан танишинг: 

Асосий кард:

Марказий жанг, ярим ўрта вазн чемпионлиги учун: Билол Муҳаммад (АҚШ, 24-3) vs Жек Делла Маддалена (Австралия, 17-2) - Жек Делла Маддалена очколар эвазига ғалаба қозонди;

Co main event, аёллар ўртасида ўта енгил вазн чемпионлиги учун: Валентина Шевченко (Қирғизистон, 24-4-1) vs Манон Фьоро (Франция, 12-1) - Валентина Шевченко очколар эвазига ғалаба қозонди;

Ярим енгил вазнда: Жозе Альдо (Бразилия, 32-9) vs Айманн Захаби (Канада, 12-2) - Айманн Захаби очколар эвазига ғалаба қозонди;

Аёллар ўртасида ўта енгил вазнда: Алекса Грассо (Мексика, 16-4-1) vs Наталья Силва (Бразилия, 18-5-1) - Наталья Силва тўлиқ давом этган жангда очколар эвазига ғалаба қозонди; 

Енгил вазнда: Бенуа Сен-Дени (Франция, 13-3) vs Кайл Преполес (Канада, 18-8) - Бенуа Сен-Дени 2-раундда бўғиш усули билан ғалаба қозонди.

Прелим кард:

Ярим ўрта вазнда: Майк Мэлотт (Канада, 11-2-1) vs Чарли Радтке (АҚШ, 10-4) - Майк Мэлотт 2-раундда нокаут эвазига ғалаба қозонди;  

Аёллар ўртасида ўта енгил вазнда: Жессика Андраде (Бразилия, 26-13) vs Жасмин Жасдависиус (Канада, 13-3) - Жасмин Жасдависиус 1-раундда бўғиш эвазига ғалаба қозонди;

Ярим оғир вазнда: Модестас Букаускас (Литва, 17-6) vs Ион Куцелаба (Молдова, 19-10-1) - Букаускас ҳакамлар қарори билан ғалаба қозонди;  

Ярим оғир вазнда: Навахо Стирлинг (Янги Зеландия, 6-0) vs Иван Эрслан (Хорватия, 14-4) - Стирлинг ҳакамларнинг якдил қарорига кўра ғалаба қозонди; 

Ўрта вазнда: Марк Андре-Барио (Канада, 16-9) vs Бруно Силва (Бразилия, 23-12) - Барио 1-раундда нокаут эвазига ғолиб бўлди; 

Ярим енгил вазнда: Даниэль Сантос (Бразилия, 11-2) vs Жеонг Йеонг Ли (Корея Республикаси, 11-2) - Сантос ҳакамларнинг якдил қарорига кўра ғалаба қозонди;  

Энг енгил вазнда: Брэд Катона (Канада, 14-4) vs Бекзат Алмахан (Қозоғистон, 11-2) - Алмахан 1-раундда нокаут эвазига ғалаба қозонди.