UFC 315 турнирининг бонус соҳиблари маълум, чемпионлик жанги энг яхшиси деб топилди

UFC 315 турнирининг асосий жанги яримўрта вазн тоифасида ўтказилиб, унда австралиялик даъвогар Жек Делла Маддалена эндиликда собиқ чемпион Белал Муҳаммадни очколар ҳисобига кўра мағлубиятга учратиб, вазннинг янги чемпионига айланди. 

Айнан ушбу қонли тўқнашув UFC 315 турнирининг энг яхши жанги деб топилди. Ҳар икки жангчи кафолатланган гонорардан ташқари, қўшимча 50 000 долларлик бонус, яъни мукофот пулини ҳам қўлга киритди.   

Шунингдек, Марк Андре-Барио ва Жасмин Жасдависиус ҳам ёрқин жанг учун бонусга лойиқ кўрилишди. Ўрта вазн вакили бўлган канадалик Марк Андре-Барио бразилиялик Бруно Сильвани 1-раундда нокаут эвазига таслим этди. Аёллар ўртасида ўта енгил вазнда октагонга чиққан яна бир Канада вакиласи Жасмин Жасдависиус бразилиялик номдор рақибас Жессика Андрадени 1-раундда бўғиш усули билан мағлубиятга учратди.