UFC 320 турнири иштирокчиларининг гонорарлари маълум

Оқшомнинг марказий жангида бразилиялик Алекс Перейра Россия вакили Магомед Анкалаевни биринчи раунддаёқ техник нокаут орқали мағлуб этиб, ярим оғир вазн тоифасида UFC чемпионига айланганди. У реванш жангида шу йил бой берган камарини Анкалаевдан қайтариб олган эди. 

Энг катта гонорарни айнан Перейра олган - 3 млн 582 минг АҚШ доллари! Бу кафолатланган гонорар. Ҳали трансляция, чипталар ва бошқа қўшимча улушлардан келадиган пуллар ҳам бор. Эндиликда собиқ чемпион Магомед Анкалаев эса 2 млн 250 минг долларга бойиган.  

UFC 320 турнири иштирокчиларининг гонорарлари бўйича маълумот:

Алекс Перейра - 3 млн 582 минг (АҚШ доллари ҳисобида)

Магомед Анкалаев - 2 млн 250 минг

Мераб Двалишвили - 1 млн 542 минг

Кори Сэндхаген - 932 минг

Иржи Прохазка - 515 минг

Халил Раунтри - 465 минг

Жош Эммет - 316 минг

Юссеф Залал - 261 минг.