14 ноя 07:18
Янгиликлар

Бокс/ММА

UFC 322 иштирокчилари таркибида ўзгариш юз берди

Бунга жангчилардан бирининг кутилмаганда олган жароҳати сабаб бўлди.

Ярим енгил вазн тоифасида америкалик Малкольм Уэллмейкер UFC 322 турнирининг прелим кардида австралиялик Коди Хеддонга қарши октагонга чиқиши керак эди. Аммо Хеддон жароҳат олгани туфайли бу жангдан "ечилди".

Ташкилотчилар қисқа фурсатда Уэллмейкернинг ўрнига бошқа жангчи топишга муваффақ бўлишди. Энди Малкольм америкалик Этин Эвингга қарши октагонга чиқади. У учун ушбу жанг UFC’даги дебют бўлади. Эвинг икки кунлик огоҳлантириш билан жангда қатнашишга розилик берди.

Эслатиб ўтамиз, UFC 322 турнири 15 ноябрдан 16 ноябрга ўтар кечаси Нью-Йоркда бўлиб ўтади. Оқшомнинг асосий жангида россиялик Ислам Махачев австралиялик ярим ўрта вазн тоифаси чемпиони Жек Делла Маддаленага қарши баҳс олиб боради.