UFC 323 турнирининг бонус соҳиблари маълум

Оқшомнинг асосий тўқнашуви ҳисобланган Пётр Ян ва Мераб Двалишвили ўртасидаги баҳс бугунги турнирнинг "Энг яхши жанги" деб топилди. Ҳар икки жангчи ҳақли равишда кафолатланган гонорардан ташқари қўшимча 50 минг АҚШ доллари миқдоридаги мукофот пулини қўлга киритди.

Шунингдек, биринчи раунддаёқ рақибларини нокаутга учратган мексикалик Мануэль Торрес ҳамда польшалик дебютант Иво Бараневский ҳам бонусга лойиқ кўрилди. Торрес америкалик Грант Доусонни, Бараневский эса туркиялик Ибо Асланни таслим этди. Ҳар икки аралаш яккакураш устаси ёрқин жанг учун мукофот пулига эга чиқди. 

Агар ҳамюртимиз Богдан Гусков иккинчи раундда партер ҳолатидаги муваффақиятини ривожлантириб, польшалик собиқ UFC чемпиони Ян Блаховични мағлубиятга учратганида, у ҳам 50 минг долларлик бонус чекини қўлга киритар эди.